На месца неадкладна выехалі прадстаўнікі Мазырскай раённай інспэкцыі прыродных рэсурсаў і аховы навакольнага асяродзьдзя, Мазырскага РАНС, Праматамнагляду, раённага цэнтру гігіены і эпідэміялёгіі, а таксама Мазырскага раённага выканаўчага камітэту.
Прычыны ўзьнікненьня аварыйнай сытуацыі ўдакладняюцца. Інцыдэнт зьлякалізавалі.
Ратавальнікі гавораць, што разьліву нафтапрадуктаў у водныя аб’екты не адбылося.
Аварыйнай службай ААТ «Гомельтранснафта „Дружба“» праводзяцца аварыйна-аднаўленчыя работы, вядзецца адпампоўка нафтапрадуктаў.
Інспэкцыя арганізавала прыцягненьне аналітычнай лябараторыі ДУ «РЦАК» для вызначэньня плошчы і ступені забруджваньня глебы нафтапрадуктамі. Таксама адбудзецца паседжаньне камісіі ў надзвычайных сытуацыях у Мазырскім райвыканкаме, на ім вызначаць дадатковыя захады ліквідацыі выцеку.
ГЛЯДЗІЦЕ ТАКСАМА: Чэхія ўпершыню стала незалежнай ад паставак расейскай нафты